துபாய், சிங்கப்பூரில் வீரம் ரிலீஸாகவில்லை!

விஜயா புரொடக்ஷ்ன்ஸ், நாகிரெட்டி தயாரிப்பில், சிறுத்தை சிவா இயக்கத்தில், அஜீத், தமன்னா, விதார்த், பாலா, சந்தானம், நாசர் என ஏகப்பட்ட திரை நட்சத்திரங்களின் நடிப்பில் இன்று வெளியாகி உள்ள படம் வீரம். இந்தியா மட்டுமின்றி அயல்நாடுகளான துபாய், சிங்கப்பூர், இங்கிலாந்து, அமெரிக்கா, மலேசியா, இலங்கை, ஜெர்மனி, ஆஸ்திரேலியா, ஹாலாந்து, கனடா, பிரான்ஸ் போன்ற நாடுகளிலும் வீரம் ரிலீசாகியுள்ளது. ஆனால் துபாய் மற்றும் சிங்கப்பூர் நாடுகளில் மட்டும் வீரம் படம் நேற்று 9ம் தேதி ரிலீஸாகவில்லை. இதனால் ரசிகர்கள் ஏமாற்றம் அடைந்தனர். படம் ரிலீசாகாத காரணம் குறித்து தியேட்டர் நிர்வாகம் கூறுகையில், வீரம் படம் தங்களுக்கு வரவில்லை என கூறினர்.

சிங்கப்பூர் ரெக்ஸ் சினமாஸில் முன்பதிவு செய்திருந்த ரசிகர்களுக்கு பணத்தை திரும்பி வழங்கியது தியேட்டர் நிர்வாகம். முன்னதாக படம் ரிலீஸாகதால் ரசிகர்கள் ஏதும் அசம்பாவித செயல்களில் ஈடுபட வாய்ப்பு இருக்கலாம் என கருதிய தியேட்டர் நிர்வாகம் போலீஸார் உதவியோடு ரசிகர்களை பணத்தை திருப்பி வழங்கியது.